BCz, 1597, p. 1148

Reverendissimo in Christo Patri ac Domino, domino Ioanni Dei gratia insignis ecclesiae Warmiensis episcopo, domino et pastori nostro gratioso

BCz, 1597, p. 1147

Reverendissime in Christo Pater, eximie domine praesul, domine gratiose.

Studia et obsequia nostra indefessa sint Vestrae Reverendissimae Paternitati in officiosa commendatione praemissa.

Reverendissime ac Gratiose Domine.

In illa structura molendini duplici nomine gravamur. Primum, quod Reverendissimae Paternitati Vestrae ac nobis subditisque utrorumlibet in praeiudicium est aedificata. Secundo, quod conspiciendi tempus longius protelatur et, ut in oblivionem transeat, de industria procrastinatur, et est mora illa nobis et gravis, et nociva. Cum autem ad conspiciendum semel consenserimus, videtur nobis illustrissimum dominum ducem Prussiae denuo admonendum, ut tempus brevius determinet et maxime, absoluta perlustratione limitum Lithuaniae ac Masoviae ducatuum, tandem ad molendini structuras conspiciendas etiam se per suos accomodet atque nos ab illis praeiudiciis iniuriose et ad contemptum factis gratiose relevet. Alias, necessitate cogente, oportebit nos alia remedia quaerere aut, consiliis aliunde quaesitis, huic malo obviare, prout hoc Reverendissimae Paternitatis Vestrae potissime consultum videbitur etc.

Vestram Reverendissmam Paternitatem iis aeterno Deo incolumem recommendan(tes) or recommendan(do)⌈recommendan(tes)recommendan(tes) or recommendan(do)⌉.

Warmiae, 16 Novembris anno 40.

Eiusdem Reverendissimae Paternitati Vestrae obsequentissimi praelati, canonici atque capitulum ecclesiae Warmiensis