De praebenda Lubicensi dominus Georgius Scotbors archiepiscopus Lundensis in Dacia, qui exulat nunc in Colonia, ita me informat XVI Maii. Scripsit ad me dudum dominus Wilhelmus Sluter canonicus Lubicensis, haec quae in introclusa schedula continentur.

Missae sunt huc ad capitulum ex Gedano litterae apostolicae spectantes ad reverendissimum dominum archiepiscopum Upsalensem, quem Sanctissimus una praebenda Lubicensi per obitum Adolphi Biscempt, qui Romae obiit, providit, sed nemo sollicitavit eiusdem possessionem neque statuta (quae se ad 39 florenos Rynenses auri {in auri} extendunt) adhuc quisquam obtulit, alias possessio eidem non fuisset denegata, potest tamen facile pecunia transmissa consequi possessionem.