BCz, 1596, p. 318

Reverendo in Christo Patri, domino Ioanni episcopo Varmiensi, sincere nobis dilecto

BCz, 1596, p. 317

Sigismundus Dei gratia rex Poloniae, magnus dux Lithuaniae, Russiae totiusque Prussiae Masoviaeque dominus et heres

Reverende in Christo Pater, sincere nobis dilecte.

Quam a nobis dari pecuniam petiit Paternitas Vestra ad sarcienda ea incommoda et detrimenta, quae sunt quibusdam oppidis illius bello Pruthenico illata, etsi non optimi exempli rem esse videbamus periculumque subesse, ne similiter alii quoque concedi sibi rogarent, habentes tamen meritorum multorum erga nos Paternitatis Vestrae rationem, fecimus non inviti, ut eam pecuniam illi pro reficiendis oppidis donaremus. Itaque trecentas istas marcas facile patimur, ut apud se retineat atque in eum de quo scribit, usum convertat.

Dat(ae) or Dat(um)⌈Dat(ae)Dat(ae) or Dat(um)⌉ Cracoviae, die XI Ianuarii anno Domini MDXXXIX-o, regni vero nostri anno XXXII-o.

Sigismundus rex subscripsit

Ad mandatum s(acrae) or s(erenissimae)⌈s(acrae)s(acrae) or s(erenissimae)⌉ maiestatis regiae proprium