» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1901

Iacobus de DIETRICHSDORF (SZCZEPAŃSKI) to Ioannes DANTISCUS
Löbau (Lubawa), 1538-08-10


Manuscript sources:
1fair copy in Latin, autograph, BCz, 1597, p. 65-66

 

Text & apparatus & commentaryPlain textText & commentaryText & apparatus

 

BCz, 1597, p. 66

Reverendissimo in Christo Patri et Domino, domino Ioanni Dei gratia episcopo Warmiensi, domino suo clementissimo

BCz, 1597, p. 65

Reverendissime in Christo Pater et Domine, domine clementissime.

Orationum mearum devotarum praemissa humili exhibitione.

Reverendissima Paternitas Vestra dignetur scire me recepisse VIII Augusti ex coniuge scribae Loboviensis quinque marcas et litteras, quas mihi ex sua innata clementia donare dignata est. Quibus receptis prae gaudio ad coenobium fratrum minorum ivi et omnibus nomine Reverendissimae Paternitatis Vestrae salutem dixi. Receperunt etiam medium lapidem cerae ab eadem ipsa latrice litterarum, pro quo maximas agunt Reverendissimae Paternitati Vestrae <gratias>. Ago et ego Reverendissimae Paternitati Vestrae maximas gratias, quod me tantillum immeritum et indignum suis beneficiis muneribus et gratiis prosequi non desinit. Profecto, ut ita dicam, si mille annis adhuc viverem, Reverendissimae Paternitati Vestrae sufficientes gratias referre non valerem. Unde merito Reverendissimam Paternitatem Vestram possum appellare patrem orphanorum. Omnipotens Deus pro istis beneficiis et elemosinis magnis adaugebit Reverendissimae Paternitati Vestrae et totae progeniei longaevos annos, et post hanc miseram vitam vitam aeternam retribuet.

Reverendissimus dominus meus modernus episcopus Culmensis est mihi dominus gratiosus et pascit me cibo et potu suo abunde, quod certissime credo evenire ex promotione Reverendissimae Paternitatis Vestrae. Domuncula mea iam erecta est et in brevi tectum habebit, prout praesentium exhibitor, Thomas balneator, Reverendissimae Paternitati Vestrae latius exponet.

Et cum his me Reverendissimae Paternitati Vestrae humillime commendo. Quam Omnipoten Deus diutissime et felicissime pro suorum subditorum et mea singulari consolatione ac omnibus eiusdem Reverendissimam Paternitatem Vestram conservare dignetur.

Ex Lobovia, X Augusti anno Domini 1538.

Eiusdem Reverendissimae Paternitatis Vestrae humile mancipium Iacobus Ditrichsdorff, sacellanus Loboviensis