» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1574

Martinus NIBSCHITZ (NIPSZYC) to Ioannes DANTISCUS
Bologna, 1537-01-21
            received Cracow (Kraków), [1537]-02-10

Manuscript sources:
1fair copy in Latin, in secretary's hand, AAWO, AB, D. 4, f. 92

Auxiliary sources:
1register in German, 20th-century, B. PAU-PAN, 8248 (TK 10), f. 376

 

Text & apparatus & commentaryPlain textText & commentaryText & apparatus

 

Reverendissimo in Christo Patri orig. Pater⌈PatriPatri orig. Pater⌉ et Domino, domino Ioanni Dei gratia episcopo Culmensi etc. superinscribed⌈etc.etc. superinscribed⌉, domino gratiosissimo

AAWO, AB, D. 4, f. 92r

Reverendissime in Christo Pater et Domine, domine gratiosissime.

Servitiorum meorum plurimam commendationem.

Quod hactenus litteris Dominationis Vestrae Reverendissimae solitam erga me gratiam Dominationis Vestrae Reverendissimae abunde declarantibus non responderim, nihil aliud in causa fuit, quam quod litteras a domino Fabiano et domino agnato meo indies exspectabam, tum etiam, quod non fuit hactenus, cui commode dare potuissem. Immortales quoque ago Dominationi Vestrae Reverendissimae gratias pro gratiosa illa sua commendatione apud dominos Georgium Zyapka et Lax written over c⌈cxx written over c⌉au, quae olim, si aliquando in curiam serenissimi Romanorum regis venire contingeret, multum mihi prodesse poterit omnemque navabo operam, ut exhortationi Dominationis Vestrae Reverendissimae respondeam et ut nihil, quantum per me stat, quod ad studia pertinet, omittam. Totum me dedi studio iurisprudentiae, in quo omnes intendam nervos, ut olim Dominationi Vestrae Reverendissimae et aliis dominis et amicis meis usui et honori esse possem.

Crudele fatum ducis Florentiae puto Dominationem Vestram Reverendissimam nondum audivisse. Is nuper in die Trium Regum in nocte a quodam de Medicis in domo sororis eiusdem trucidatus fuit. Civitas tota tumultuatur. Strocii illi et alii proscripti conscribunt. Passim milites. Nihil boni inde sequetur.

Praeterea constans hic fama est Turcam maximam parare classem et pro futuro ms. futuo(!) ⌈futurofuturo ms. futuo(!) ⌉ vere deliberasse aggredi Regnum Neapolitanum et alias finitimas provincias. Summus pontifex nuper X creavit cardinales, inter quos fuit Sadoletus doctissimus ille vir, Polus Anglus et alii excellentes viri etc.

Dominationi Vestrae Reverendissimae me humillime commendo.

Ignoscat celeritati etc.

Bononiae, 21 Ianuarii 1537.

Dominationis Vestrae Reverendissimae humilis servus Martinus Nibschicz