Visits: 61
» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1368

Sigismund I Jagiellon to Ioannes DANTISCUS & Mauritius FERBER
Vilnius, 1535-11-12
            received 1535-11-21

Manuscript sources:
1fair copy in Latin, in secretary's hand, AGAD, AZ, 2999, f. 137
2office copy in Latin, in secretary's hand, BNW, BOZ, 2053, TG 19, No. 2250, f. 12r

Prints:
1AT 17 No. 550, p. 690-691 (in extenso; Polish register)

 

Text & apparatus & commentaryPlain textText & commentaryText & apparatus

 

BNW, BOZ 953, f. 137v

Reverendis in Christo Patribus, dominis Mauritio Varmiensi et Ioanni Culmensi episcopis sincere nobis dilectis

BNW, BOZ 953, f. 137r

Sigismundus Dei gratia rex Poloniae, magnus dux Lithuaniae, Russiae, Prussiae ac Masoviae etc. dominus et heres

Reverendi in Christo Patres, sincere nobis dilecti.

Fecistis officium vestrum et nobis rem gratam, quod proximis comitiis interfuistis. Illud vero numquam antehac intellexeramus, tam infrequentia fieri sub finem discessu plerorumque omnium consiliariorum comitia, ut non sint, qui causas et controversias hominum decidant. Nunc posteaquam id ex litteris vestris accepimus, stabimus consilio et admonitioni vestrae, ut mulctam sanciamus in eos, qui aut non in tempore ad comitia venerint, aut ante peracta discesserint. Verum id ut ratum atque firmum sit, existimamus operae pretium esse, ut in comitiis fiat. Itaque cum celebranda erunt istic proxima comitia, dabimus ea de re in mandatis legato nostro.

Bene valete.

Vilnae, XII Novembris anno Domini M-o D-o XXXV-o, regni vero nostri anno XXIX.

Ad mandatum sacrae regiae maiestatis proprium