» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1239

Bona Sforza to Ioannes DANTISCUS
Vilnius, 1534-11-18


Manuscript sources:
1copy in Latin, 16th-century, BJ, 6553, f. 415v-416r
2copy in Latin, 18th-century, BCz, 51 (TN), No. 28, p. 113-114
3copy in Latin, 18th-century, BCz, 272, p. 588-589

Auxiliary sources:
1register in Polish, 20th-century, B. PAU-PAN, 8247 (TK 9), f. 662

Prints:
1AT 16/2 No. 585, p. 384-385 (in extenso; Polish register)

 

Text & apparatus & commentaryPlain textText & commentaryText & apparatus

 

BJ, 6553, f. 415v

Bona regina Poloniae Ioanni Dantisco episcopo Culmensi

Reverende in Christo Pater, sincere nobis dilecte.

Accepimus litteras Paternitatis Tuae datas ex arce Lubaviensi die septima mensis huius, quibus rogat, ut eam priore illa gratia prosequamur, quam se meruisse scribit in servitio nostro multis curis, laboribus, terrae marique discriminibus. Nos equidem semper complexae fuimus Paternitatem Tuam singulari favore nostro, quamquam non solum in nostro, verum etiam utriusque maiestatis BJ, 6553, f. 416r regiae servitio versata est idque res ipsa plane demonstravit, nam multis renitentibus promovimus Paternitatem Tuam ad eam dignitatem, scilicet episcopatum Culmensem. Quam remunerationem grato animo accipere debet et curet, ut magnificus Christopherus de Schidlowiecz castellanus Cracoviensis de Paternitate Tua sit falsus vates.

Audimus Paternitatem Tuam loco cuiusdam solatii sui coram multis queri de nobis. Nos sane bono animo admonueramus Paternitatem Tuam, ut se ab illis dissidiis temperasset, pro nostro in rempublicam studio et amore, potissimum Paternitatem Tuam, creaturam nostram, quam ad eam sedem promovimus. Quod si admonitionem nostram aliorsum accipit, quam res est, in arbitrio Paternitatis Tuae.

Quod autem pollicetur se nobis fideliter servituram, quam diu in ea spiritus est, serviat Paternitas Tua utrique maiestati regiae et reipublicae pro suo debito, quod perinde gratum nobis erit ac nobis ipsis serviret.

Dat(ae) or Dat(um)⌈Dat(ae)Dat(ae) or Dat(um)⌉ Vilnae, die XVIII mensis Novembris anno Domini 1534.