[Reverendo in Christo] Patri, domino [Ioanni Dei gratia episcop]o Culmensi [sincere] nobis dilecto

Bona, Dei gratia regina Poloniae, magna dux Lithvaniae, Russiae, Prussiae ac Masoviae etc. domina.

Reverende in Chriso Pater, sincere nobis dilecte.

Misimus in ducatum nostrum Masoviae ad nonnulla negotia nostra obeunda hunc generosum Nicolaum Grabia, aulicum nostrum fidelem dilectum, commisimusque illi, ut istuc ad Paternitatem Vestram descendat eamque nostris verbis salutet ac nonnulla, quae de mente nostra procedunt, illi coram diffusius referat. Hortamur itaque, ut illi referenti plenam adhibeat fidem, ac si nos praesentes audiret loquentes.

Et bene valeat.

Datae Vilnae, die XVIII-a mensis Februarii M-o D-o XXX-o IIII-o.

Ad mandatum sacrae maiestatis reginalis proprium