Unsernn fruntlichennn dienst / und was wir liebs und wolgefallens vormugen zuvoran. / Edler und fester herr, gunstiger freundt. /

Negst in ewremm abwesenn hab wir / uff unser schreibenn an euch von unsermm gunstigen freunde hern Reymundo, ewermm bruder, gancz ein freuntlich antwurt uberkomenn, / das er zu frid ist gewest umb die dreyhundert ducatnn uff disse zceit den ewernn zu beczalenn. / Das wir so vorschafft / und demm nu genug geschen, / derhalbnn wir euch mit hochem herczlichem fleis danckenn, das ir uns so lange gewartet / und mit uns gedult getragenn. / Wer wir das widerumb ummb euch ader die ewernnn ummer mugenn beschuldenn und freuntlich vordynenn, / erbitt wir uns willig. / Wollenn ouch vil ehr und woltat uns bewisen nummer vorgessenn, / bittend disse beygebunden briff hern Bart[ol]me Welser lossen antwurten. / Es ist nichts dan freundt, brive in Hispanien zu schicken im puntel. / Hiemit Gote dem almechtigenn in langeweriger gesuntheit und glukseligen zu nemenn befholenn. /

Datum uff unsermm slosse Lobau, den XI Januarii anno domini 1534.