Unsernn fruntlichnn grues mit vil libs erbittung zuvorann. / Edler und fester her, gunstiger freundt. /

Wir habnn aus furstlicher durchlaucht schreibenn , negst durch ewer hant an uns gethan, vorstanden ewren fleis unnd furdrung in unsernn sachenn, / des wir uns gen euch thun fast bedancken, / bittend hie von bey furstlicher irlaucht nicht abzulossenn, / und uns bey dissemm unsermm knabnn / wie es ummb andre slechte ding geblibnn / zu berichtenn. / Wor inne wir euch widerummb vil lieb freuntschafft und wolgefallenn werden wissen zu thun, sold ir uns alweg willig fyndenn. / Hiemit Gote dem almechtigen befholenn. /

Datum uff unsermm slosse Lobau, den VII Ianuarii anno domini M D XXXIIII.