BCz, 244, p.35

Unsern(n) fruntlichn(n) grus mit vil wolgefallenn(n) zuvoran. / Grosmechtig(e)r h(e)r, gunstiger freundt. /

Es sein hie bey uns gewest die edlen Jacob Rokoss und Niklis Gluchowski, habn(n) uns hochbetlich angelangt von wegen(n) das Cristoffs Osszykowski on the margin⌈Cristoffs OsszykowskiCristoffs Osszykowski on the margin⌉, der unsern(n) burger von Fridek um(m)bs leben(n) gebrocht erslagen(n), / das wir im weiter geleidt zu geben(n) woltn(n) vorwillen(n) / mit erbittung, das er sich in mitlerzceit sold mit unsern(n) armen(n) underthan, / den der erslagene zugehort, / vortragen(n). / So wir dan(n) wie ein geistlicher prelat solchs uff ire instendige beth von des besten(n) wegen(n) nicht haben(n) mocht vorsagen(n), / say wir zu friden(n) ist uns nicht zu wider, / das gedochtem Cristoff biss uff den lecztenn(n) tag der zukumfftigen(n) fastnacht[1] geleit werd gegeben(n), / das wir so E(wer) H(erlichkei)t, / die wir Gote dem almechtig(en) thun befelen(n), / nicht haben(n) wolt fruntlicher weis bergen(n). /

Dat(um) uff unserm(m) slosse Lobau, den andren(n) tag Ianuarii des newen(n) jores an(n)o d(omi)ni M D XXXIIII.

Io(annes)

[1 ] February 17