BCz, 1597, p. 438

Reverendissimo in Christo Patri Domino ac domino Ioanni Dei gratia episcopo Helspergensi domino clementissimo

BCz, 1597, p. 438

Reverendissime in Christo Pater Domine ac domine clementissime.

Salutem servitiorumque meorum in gratiam Reverendissimae Paternitatis Vestrae commendationem.

Ioannem, servitorem Reverendissimae Paternitatis Vestrae, hic apud me in studio per hunc integrum annum morantem ad exaudiendum ipsius studium, Reverendissimae Paternitati Vestrae mitto. Qui adhuc non recte novit tabulaturae exercitium, etenim prius lecturam simulque scripturam, quam minime antea novit, studuit. Quapropter si est animus Reverendissimae Paternitatis Vestrae ipsum ad me ad alium annum mittere, ego non gravabor circa ipsum omnem facere diligentiam, ita quod tabulaturam clare sciet simulque pedaliter tangere sciet, quoniam si fas est verum dicere, suam rem diligenter considerat et hoc nollendo sumptum Reverendissimae Paternitatis Vestrae parvipendere ipsumque inaniter facere.

Cum hisque me gratiae Reverendissimae Paternitatis Vestrae commendo, quam valere cupio in annos multos specialem meam ad consolationem utinam.

Toronii, feria sexta post trium regnum anno Domini 1539.

Eiusdem Reverendissimae Paternitatis Vestre deditissimus Martinus Rudger organista Torunensis