Reverendissime Domine.

Hanc schedam soli Dominationi Vestrae Reverendissimae mitto, ut illam revideat. Spem iuris mei habeo, quod Dominatio Vestra Reverendissima mihi canonicatum contulerit in mense suo, et quod in triennali pacifica sim possessione, et quod reliquum est, gratia serenissimarum regiae et reginalis maiestatuum, ad cuius postulationem Dominatio Vestra Reverendissima me admisit, supplebit. Caveat adversarius meus me cum eo componere cogar. Ipse prius multis imposuit. Videat, ne aliquando componatur. Dominatio Vestra Reverendissima me pro rei aequitate et sua in me benevolentia in eo iure, quod mihi dedit, quemadmodum confido, conservabit.