Ioannes

Nobilis et erudite fidelis dilecte.

Eo quod Romanorum rex ad Turcam cum muneribus pro indutiis impetrandis diebus iis Medicum legaverat et Tonsor item a Turca venerit ad regem, epigramma primum hoc adelon natum est et ad nos nuper missum , cui noster Morphorius, qui Romae Pasquillo socius habetur, respondit: “Gratum feceris, si argumento simili tuae Musae venustiores argutioresque accedent ad aulam prope diem iturae”. Vale et aliquando, ut apud exteros solebas, quodcumque etiam scribe.

Ex Heilsberg, IX Aprilis MDXLV.