List #1714
Ioannes DANTISCUS do Tiedemann GIESELöbau (Lubawa), 1537-09-15
Rękopiśmienne podstawy źródłowe:
Publikacje:
| ||||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
BCz, 244, p. 234Eximio et Venerabili Domino Tidemanno Gise, custodi et canonico Varmiensi, Fratri et Amico carissimo et honoran(do) or honorand(issmio)⌈honoran(do)honoran(do) or honorand(issmio)⌉ .
BCz, 244, p. 231Eximie et Venerabilis Domine, frater et amice carissime. Salutem et omnem felicitatem.
Post novissimas, quas ad Dominationem Vestram dedi, advenit heri generosus dominus Nicolaus Nibschicz, qui hinc die Lunae cum regio cubiculario ad vos solvet. Cum eo de omnibus scribam latius. In praesens non attingo aliud, quam, quod, si Dominatio Vestra illum commode cum equis octo in domum suam accipere potest, ob eas causas, quas descripsi in novissimis, rem mihi gratam nobisque non inutilem utrisque faciet; sin vero, Dominatio Vestra cum venerabili agat capitulo, ut orator regius, qui etiam ad conventum nostrum proximum est missus, commodum hospitium habere possit, de quo per istum meum nuntium certior inter eundum ms. intereundum(!) ⌈inter eunduminter eundum ms. intereundum(!) ⌉ fieri possit. Instructio eius legationis talis erit, qualis a nobis formabitur, rebusque nostris expedire videbitur. Cum eo, cum advenerit, Dominatio Vestra tuto de omnibus conferre poterit. Quam optime valere ex animo cupio.
Cursim ex castro Lubaviensi, XV Septembris MDXXXVII
Ioannes episcopus Culmensis etc. scripsit
Postscript:
Cum certus de hospitio iste meus nuntius dominum Nibschicz ad vos conduxerit, iniunxi ei, ut tamdiu perseveret, quousque electio finem habeat, qui qualis erit a Dominatione Vestra mihi ocissime describi peto, cum eaque scriptione nuntium ad me remitti, quo scire temporius possim, si Dominatio Vestra et quando apud me hic constitui debeat. De moribus domini Nibschicz iste meus nuntius Dominationem Vestram edocebit, qui, quemadmodum mihi placent, ita et ut Dominationi Vestrae placeant, oro. Datum.