Ioannes etc.

Venerabilis Domine, Frater in Christo carissime. Salutem in Domino.

Statuit se nobis civis Thoronensis Simon Holst ad nos appellationi satisfaciens. Cui adhuc certa horum temporum ratione habita et ad quorundam amicorum nostrorum pro eo intercessionem, tempus obtinendae dispensationis coniugii, quod non satis licite contraxit, prorogavimus usque ad festum Sancti Martini proxime futurum, quod vos latere noluimus. Bene valete et cum fratribus nostris Deum pro nobis orate.

Ex castro nostro Lubaviensi, ultima Ianuarii M D XXXVI