Unsernn gunstigen grues zuvorann. / Erhafftiger, liber frundt.

Das getrencke von bir, im winter mit unsernn Heilsbergernn uns zugeschickt, / ist villeicht der gestalt nicht zu uns komenn, / wie ir geschribenn, / es sold vorder gut sein, / besorgen uns, habens underwegenn credenczt und mit andremm gefollet, / so wolt diss mol fleis habenn, / das ir gut mercz bir sechs fass gen Braunsberg thet schickenn an unsernn houptmann, / do mit wirs ungemischt uberkuemenn, do bey schreibnn die kostung, / sol euch zu dancke erstath werden. Gote mit ewer hausfrawenn befolenn.

Datum Heilsberg, XV Martii MD XXXIX.