Dem Colmischnn woywoden

Unsernn etc.

Wir habnn negst / noch unsermm schreibnn und muntlich ..., das wir an Ewer Herlichkeit habenn lossenn gelangen durch dennn edlen e... unsernn bsondrenn libnn Nikles Plotowski, / vonn im widrummb von ... eingenomenn, / was die uff unsernn roth von uns mit vlei[s]... in bewusten sachenn vorzunemenn gesinnet, / alse nemlich koniglicher majeste[t] unserm allergnedigsten hern ire volkomne vorwillung schrifflich zu eroffnenn w... Ewer Herlichkeit briffs wir sein gewertig, / uffs erst uns mit der copeien der zu handenn wirt / wolle wir unser schreibenn an hochgemelte konigliche majestet, / gleichmessig solcher copeien Ewer Herlichkeit briffes, / stellenn und seczenn lossenn. / Was sonst nottig zw Ewer Herlichkeit sachenn mit truksessnn / und anders, / wirt gedochterr Plotowski in unsermm nhamenn anzceigen, / demm Ewer Herlichkeit, / gotlichnn gnaden befolnn, / wolde sichernn gloubnn gebnn.

Datum zum Elbing, XXVI Ianuarii MD XLV.