Unsernn etc.

Auf Ewer Erbarkeit schreibenn an unsernn cantzler / habenn wir die abschrieft des briefs unser genedigsten frawen, der konigin , uns durch Ewer Erbarkeit zugefertiget, / der edlen und thugentreichen frawen , her Lucas von Allen seligenn witwen, / der darann viel gelegenn, / hieneben in unserm schreiben an sie vorschlossenn, / zugeschicket / und bittenn freuntlich, / solchs an die auf erste und fuglichste, / damit ess ihr sulbst in eigen hant uberantwurt werde, zuzustellen, / und das wir widderum gewisses antwurt von ihr bekomen mugen, / vorschaffenn. / Woran Ewer Erbarkeit, die wir gotlichen genaden bovelen, / ihr und uns ein sunderen gefallen thun werdenn. /

Datum aus unserm schlosse Heilsberg, XXV Junii XLVII.