BNW, BOZ, 2053, TG 16, No.1903, f. 95v

Serenissimae Reginali Maiestati Poloniae etc., dominae paper damaged⌈[dominae]dominae paper damaged⌉ e paper damaged⌈[e]e paper damaged⌉t[1] dominae meae c paper damaged⌈[c]c paper damaged⌉lementissimae[2]

BNW, BOZ, 2053, TG 16, No.1903, f. 94r

Serenissima Reginalis Maiestas et Domina, domina mihi clementissima. Humillimam servitiorum et orationum mearum commendationem.

Reddidit mihi nobilis Fabianus Voyanowski Serenissimae Maiestatis Vestrae litteras meque gratiae Serenissimae Maiestatis Vestrae salutatione fecit participem, pro qua Serenissimae Maiestati Vestrae, quantum humillimus servus et capellanus Serenissimae Maiestatis Vestrae potest, suppliciter gratias habeo meque offero (quod etiam re ipsa praestiti semper), si quocumque in casu Serenissimae Maiestati Vestrae umquam cum vita et facultatibus meis inservire potuero, me futurum perpetuo obsequentissimum et devinctissimum. Ex hoc orbis angulo, in quo versamur, multa nova Serenissimae Maiestati Vestrae scribi nequeunt. Iturus sum recta hac hora Gdanum in patriam meam, quam a 13 annis non vidi. Si quid ibidem offendero ex navibus, quae hoc tempore omni ex parte confluunt, quod gratum oculis Serenissimae Maiestatis Vestrae futurum cognovero, curabo, ut quam primum ad Serenissimam Maiestatem Vestram perferatur.

Quod reliquum est, me gratiae Serenissimae Maiestatis Vestrae humillime una cum domino Melchiore Glaubicz advocato castri Marienburgensis commendo, cui ut gratia sua apud serenissimam maiestatem regiam adsit in his, quae pro meritis suis petit, suppliciter rogo. Christus Dominus noster, Serenissimam Maiestatem quam diutissime sospitet et prosperet in omnibus.

Ex Marienburgo, 17 Maii 1533.

Serenissimae Maiestatis Vestrae Reginalis humillimus servus et capellanus Ioannes episcopus Culmensis manu propria

[1 2 ] Written on piece of paper which is now lost