Reverendissimo in Christo Principi et Domino, domino Ioanni Culmensi episcopo etc., domino meo omnibus modis gratiosissimo

Salutem plurimam dico.

Dii deaeque omnes perdant nequissimum nebulonem hunc, qui me coram Reverendissima Paternitate Tua falso et, ut cum venia loquar, mendaciter detulit de arrestatione quadam rei pecuniariae, quae mihi numquam in mentem venit, quemadmodum ex germano Reverendissima Paternitas Tua liquidius perdiscet. Non enim sum adeo ignarus, ut nesc[iam] pudicem saecularem nihil iuris neque auctoritatis habere in ... spiritualem. Quapropter valeat Reverendissima Paternitas Tua in multa saecula felix et me insontem denique praeter demerita commendatum habe.

Turni, XI Ianuarii, anno a Christo nato 1538.

Tuae Reverendissimae Paternitatis cliens Hieronymus Aurimontanius