Hern Zcemenn

Unsernn etc. Edler wolgeborner etc.

Wir habnn Ewer Herlichkeit schreibnn mit dem puntel brivenn an den wirdigen hern Fabian von Damarow, unser kirchenn thumhern, / erhaltenn, / und wie wol er , / wie wir bericht, / im korczen bey Ewer Herlichkeit zu sein und vordan von seiner krancheit wegen gen Danczk sich zu begebenn / vorgenomenn, / hab wir dennoch solche brive gen der Frawenburg vorordent. / So er dan an Ewer Herlichkeit gelangt, / in solchs lossenn wissenn etc. Hie mit Ewer Herlichkeit mit ir libnn hausfrawenn, / die wir bittnn, von unsernn wegen freuntlich zu grussen, / und mit dem ganczenn geslechte Gote in sein gnad befolnn.

Datum Heilsberg, XV Martii MD XXXIX.