Hern Jorgen Scheffken

Unsernn etc.

Das sich Ewer Erbarkeit entschuldiget, / worummb die ein zceit lang nicht geschribnn, / ist unnotig, / weil uns derselbten anligen uffentlicher ist, dan es uns liebet, / alse nemlich der gewonten, alten swacheit halbenn, dar aus Ewer Erbarkeit erlediget zu sein / uns nichts were angenemers etc. Es hot sich fast wol getroffen, / den hildenheimschnn handel hie mit dem edlen, / wolgebornn hern elbingschnn castellann, disser lande koniglichem schaczmeister, / zu beredenn. / Was der wegenn under uns entslossenn, wirt Ewer Erbarkeit unser liber bruder Jorg anczeigen. Das Ewer Erbarkeit derhalbnn von Thornn ist angesprochenn, / hot nichts uff sich. Die ampter tragen, / oder mit pflicht iren hern vorbunden sein, / mussen kein personen ansehenn etc. Newes ist zu disser zceit nichts bey uns. / Was Ewer Erbarkeit wirt zukomenn, / bitten uns nicht zuvorhalten, / dergleichnn von uns ouch sol geschenn. / Hiemit gotlichnn gnoden in langweriger gesuntheit befolnn. /

Datum aus unserm schlosse Heilsberg, denn IIII Martii MD XLV.