Unsernn fruntlichnn grues mit allerselighet wunsch... zuvorann. Grosmechtiger her, gunstiger.

Wir habnn neg[st] von Ewer Herlichkeit II brive entfangen, / mit dem leczsten die co..., daran wir ein sundren wolgefallnn gehabt / und Ewer Herlichkeit freuntlich danckenn. / Uns ist ouch fast lie[b] gewest, das Ewer Herlichkeit in gutter gesuntheit, / die wir D... selbtigen zu langen zceitnn gonnenn, / widerummb h... zu den iren ist komenn . / Was denn zc[im]merman belangt, das in Ewer Herlichkeit aus der burgschaff[t] frey gelossenn / und mit uns zu gelegner zceit der wegenn redenn wil, / losse wir gernn so bleibnn. / ... thun Ewer Herlichkeit mit den iren in die gnad Gots befhel[en] bittend, die frau woywodin fruntlich in unserm nam[en] zu grussenn. /

Datum aus unsermm slosse Lobau, den X[VI] Martii MD XXXVII.