Ioanni Lomuller etc.

Unserenn etc.

Weil wir Ewer personn als unserm lengst und alt bokendtem freunde / alwege gewogenn und mit sunderrts gunst zugethan gewesenn / derwegen wir den / so viel an uns / und do ess uns zuthun / ane alles boswer euch und die Eweren furderenn und ihr bestes vorhelffenn wollen. Auch gerne auss oben angezeigter freuntschaf[t] Ewrem ansuchenn und bitte / der czweihundert marken halben czu Ewrem hauskauf vor dismol nachgekommen weren. / Dieweil wir uns aber noch in hinderlichen schulden die wir anzuzeigen uns entshen / von wegen vnserenn manchfeltigen gefurten botschaften / vorhaft bofindenn / daraus wir uns noch teglich wurcken mussen / also das wir vnserenn bruderenn und swesterenn / den wir billich furderlich sein solten / wenig helffen kunnenn. Wodurch wir den gehindert / ab wir auch gerne gewolt / und uns fast mitleidlich gewesenn / das wir uns in dem fall kegen euch / wie wir wol genigt / nicht haben vormocht wilferig erzeigenn. Bitt[en] derwegen diese unsere notige entschuldigung / wie wir uns vorho[f]fenn wollen / vor dismol freuntlich aufzunemen / und sich ferner aller genigtenn und willigen furderung / da wir die Ewer person und den Ewren zusichernn konnen / zuvorshenn. Gotlichen genaden mit langweriger gesuntheit bouolenn.

Datum aus unserm schloss Heilsberg den XIII Augusti M D XLVIII