BCz, 1599, p. 1084

Reverendissimo in Christo Patri, domino Ioanni Dei gratia episcopo Varmiensi etc., fratri et amico carissimo et honorando

BCz, 1599, p. 1081

Reverendissime in Christo Pater et Domine, frater et amice carissime et honorande.

Salutem et officiorum commendationem.

Acc ms. t(!) ⌈cc ms. t(!) ⌉epi breve apostolicum, quod abbates ad me transmiserunt, quod Vestrae quoque Reverendissimae Dominationi, quem esse mihi collegam, datum video, mittendum duxi. Illa facere velit eius executionem, si res postulaverit. Quandoquidem, cum adsit isthic propius minore negotio, confugere ad eam abbates et monasteria possunt. Ego vero, si quid aut hic, aut in Urbe me curare necesse fuerit, iniuncto mihi muneri non deero.

De villa ista scripsi ad capitulum Wladislaviense. Spero profici aliquid litteris meis posse. Quod si spes mea me fefellerit, Reverendissima Dominatio Vestra, quid porro faciendum censeat, mihi perscribat. Consilium illius lubens amplectar.

Opto Dominationem Vestram Reverendissimam bene valere. Cuius me fraterno amori commendo.

Datum Cracoviae, postridie feriarum Divi Alberti anno Domini 1548.

Eius Vestrae Dominationis Reverendissimae frater obsequens Samuel, episcopus Cracoviensis et Regni Poloniae cancellarius