BCz, 1601, p. 344

Reverendo in Christo Patri, domino Ioanni episcopo Varmiensi, sincere nobis dilecto

BCz, 1601, p. 343

Sigismundus Dei gratia rex Poloniae, magnus dux Lituaniae, Russiae, Prussiae, Masoviae etc. dominus et heres

Reverende in Christo Pater, sincere nobis dilecte.

Errore quodam scribarum cancellariae nostrae factum est, ut alius comitiorum locus sit descriptus, quam quo conveniri consuevit. Quare Paternitati Tuae mandamus, ut ad solitum locum Mariemburgum comitiorum causa proficiscatur atque ibi de iis, quae proposita per nuntium nostrum fuerint, una cum aliis consultet. Quamquam prioribus etiam litteris nostris Paternitati Tuae scripseramus atque illi potestatem dederamus, ut legitima de causa alium in locum, quam qui designatus per nos fuerat, comitia transferre Paternitati Tuae una cum aliis consiliariis terrarum nostrarum Prussiae liceret. Factura Paternitas Tua pro gratia nostra.

Dat(ae) or Dat(um)()⌈Dat(ae)Dat(ae) or Dat(um)()⌉ Vilnae, XXXV-a Martii anno Domini M-o D-o XLI-o, regni nostri anno XXXV-o.

Commissio regiae maiestatis propria