BCz, 1599, p. 70

Dem hochwirdigen fursten und herren / hern Johann bischoven zu Ermelandt / meinem gnedigen herrn.

Heylsperg in Preussen

BCz, 1599, p. 67

Hochwirdiger Furst, Gnediger Herr. /

Euren Furstlichen Gnaden seind mein underthenig willig dienst zuvoran beraitt. /

Eurer F(urstlich) G(naden) schreiben mir gethan des datum steet den sibenzehenden tag Septembris hab ich sambt ainem gepundt brief gen Rom gehörig empfangen, / mit begeer, / das ich denselben gen Rom schickhn / und darzue hundert ducatn zu betzaln verordnen wolle. / Ferers innhalte, / mit angehenckhten eurer F(urstlich) G(naden) gnedigem erpietn vernom(m)en / und wiewohl ich nun aus allerlai bewegnusse die handlungn und welel zu Rom abgestölt, / yedoch auf eurer F(urstlich) G(naden) gnedige ansuechen und derselben zu undertheniger wilfahrung, / hab ich eurer F(urstlich) G(naden) brief an eurer F(urstlich) G(naden) oheim und schwestersun hern Casparus Hanau zu Rom lauttende hinein gesandt und verordnet, / ime hundert ducat(e)n gegen seiner quittung zu bezahlen. /

Das wolt ich eurn F(urstlich) G(naden), / dero ich zu dienen willig bin, / undertheniger meinung nit verhalt(e)n. / Mit undertheniger bitt, / wo meine sachn an eur F(urstlich) G(naden) gelangen wurden, / eur F(urstlich) G(naden) wolle die in gnedigem bevelh und furdrung haben. / Das umb eur F(urstlich) G(naden) will ich dazuverdienen willig erfunden werden. / Thue mich hiemit euren F(urstlich) G(naden) underthenigklichn bevelhen. /

Datum Augspurg, am neundtn tag Novembris / anno etc. XLI.

E(uer) F(urstlich) G(naden) unterdeniger Antoni Fugger subscripsit