Commendationem Vestrae Paternitatis, ut lacus Drawsen generoso Achatio Czeme locaretur, ex litteris Vestrae Paternitatis cognovimus. Verum ea de re, quae iam transacta est, antequam litterae Vestrae Paternitatis venirent, non est conveniens maiestati regiae aliquid denuo constituere, si quidem maiestas sua finita arenda Elbingensium, lacum praedictum ad castrum suum Marienburgk rebus ac rationibus maiestatis suae ita poscentibus, applicare est dignata. Sed neque ad aliquos contractus et arendas, quae a plerisque maiestati suae non inutiles offerebantur, flecti se permisit. Quare id, quod maiestas sua fecit, rectum esse putandum est.

Bene valeat Paternitas Vestra.