CIDT&C Corpus of Ioannes Dantiscus' Texts & Correspondence

List #1306

Iustus Lodvicus DECIUS (DECJUSZ, DIETZ) do Ioannes DANTISCUS
Cracow, 1535-05-24

odebrano [1535]-06-02

Rękopiśmienne podstawy źródłowe:

1	czystopis język: łacina, autograf, AAWO, AB, D. 3, k. 108
2	kopia język: łacina, XX w., B. PAU-PAN, 8243 (TK 5), a.1535, k. 40

Pomocnicze podstawy źródłowe:

1	regest język: niemiecki, XX w., B. PAU-PAN, 8248 (TK 10), k. 57
2	regest język: angielski, XX w., CBKUL, R.III, 31, Nr 287

Publikacje:

1	AT 17 Nr 309, s. 406-407 (in extenso; polski regest)

Tekst + aparat krytyczny + komentarz Zwykły tekst Tekst + komentarz Tekst + aparat krytyczny

Reverendissimo in Christo Patri et Domino, domino Ioanni Dei gratia episcopo Culmensi etc., domino gratioso et plurimum colendo

Reverendissime in Christo Pater et Domine, domine gratiose et plurimum colende.

Post commendationem.

Mitto certas ad me datas litteras. Intelliget fortassis ex illis, quae facies sit ub[ique] rerum. Proximis ab amicis ex Wienna mihi scribitur hactenus constanter Thurcam a Persis profligatum omnibus ex locis scribi. Ioannis Hungariae regis oratores 13 Maii legationem apud Ferdinandum dixerunt. Agitur non vana spe de concordia inter reges, quae utinam coeat. Advenit et caesaris Thurcorum nuntius, sed per Croatiam. Ibi male exceptus est vulneribusque salutatus, antequam nuntius crederetur. Swevicum foedus denuo, sed aegre, civitatibus aliquot exclusis, coit. Caesar Romanus ingenti classe et apparatu peti<t> Affricam, utinam eventus conatui respondeat.

Cupio Reverendissimam Dominationem Vestram felicissime valere et me illius gratiae commendatum esse.

Cracoviae, 24 Maii 1535.

Reverendissimae Dominationis Vestrae deditissimus Iostus scripsit