Reverendissimo in Christo Patri et Domino, domino ⌊Ioanni Dantisco [ep]iscopo Culmensi⌋, serenissimi ⌊[Poloni]ae regis⌋ oratori etc., domino tamquam patri honoradissimo
Per quendam virum nobilem,[2] qui ⌊hinc⌋ ad vos est profectus a diebus octo, ⌊⌋ ea, quae tunc occurrere visa sunt. Nunc vero nihil est, quod scribam, quam pertaesum huius longissimae morae aliam rationem consilii inire decrevisse. Ex toto enim tempore, quo ⌊hic⌋ fuimus, cum saepius admonuerimus ⌊principem⌋ nostrum, rerum suarum nullum umquam responsum obtinuimus. Quo fit, ut in magnis difficultatibus versemur non tam nostra causa, quam ⌊illius⌋, est enim ⌊hic ducatus⌋ expositus multis et dubiis vicinis, nobilitas autem ob id rerum novarum avida et minime hactenus coercita, indulgentia nescio magis, an inscitia praefectorum. Haec et plura scripsimus frequenter responsumque nobis est unica respondendi ratione, hoc est silentio. Proinde statuimus collega meus[4] egoque praestolari ad festum Martini diem.[5] Quo tempore si nihil certi habituri sumus, decretum est, ut ego proficiscar ad ⌊caesarem⌋ redditurus illum de omnibus certiorem et mentem illius intentionemque sciscitaturus. Itaque ad XV-m huius futurum me reor ⌊Bruxellae⌋.
⌊Levinus⌋ meus hic mecum fuit. ⌊Is⌋, quod et ego illi optarem, vellet ingeri in familiam ⌊serenissimae reginae⌋, ad quod arbitratur auctoritatem tuam illi posse plurimum conducere, qui et in ea es aula[6] gratiosus, et industriam illius habeas plane perspectam.[7] Petiitque, ut se tibi commendarem hoc nomine, si quis interim esset locus istic, in quo posset operam commodare, commendationem pro illo tuam ut interponeres, id quod pro tuo erga me affectu et benevolentia omnino persuadeo mihi facturum. Vellem enim et ego ⌊illi⌋ bene prospectum esse, ex quo mihi datum non est de quoquam bene mereri posse. Rogo te, ut hanc rem cordi habeas.
Litteras[8] ad ⌊uxorem⌋, quas his inclusas mitto, da ⌊Michaeli⌋ tuo mittendas, si lubet. Et rectissime vale.
[2 ] Person to be identified, in the service of Bernhard III von Baden; cf. ⌊⌋
[4 ] Person to be identified; cf. former letters written from Luxembourg
[5 ] 11 November
[6 ] ea — — aula: court of Queen Mary of Hungary, Governess of the Habsburg Netherlands
[7 ] Note on contacts between Dantiscus and Levinus Panagathus
[8 ] Letter from Cornelis de Schepper to Elisabeth Donche has not survived