In Ewrem negsten schreiben / meldet ir , das euch gsagt ist / wie das ich mich / ein administrator / ader ein vorweszer des bischoffstumbs Pomeszan thu schreiben / do mit furstliche irbarkeit und meyne freundtschafft nit lange sold dauren / do wider ich nit kan / szo mich szo konigliche majestet haben wil / das ich den ort lands / der von Pomeszan / under koniglicher majestet leit / vorwessen szol was di geistliche rechte belanget. / Marienburg ist auch dor under gelegen / mit dem slosse. Konigliche majestet szold vngern wellen / das lutherei do gehalten wurd / hierumb halt ich nit das furstliche irbarkeit derhalben erkein misfallen an mir haben muge etc.