Generose Domine, amice carissime. salutem et omnem felicitatem.

P[ro] humanissimis Dominationis Vestrae litteris, quas nuper nuntius meus attulit, quas possum, gratias habeo pro quibus vivas litteras — hunc fratrem meum — mitto, qui Dominationem Vestram de statu rerum mearum cert[io]rem reddet etc.

Litteras regias contra guardiani occisorem ad dom[inum] palatinum Culmensem misi, qui forte eundem, quid in eis contin[e]batur, cautum fecit. Unde dicitur extra provinciam profectus, cum ut r... domi delitescat etc. Si qua in re frater is meus in negotiis [ei] a me commissis opera Dominationis Vestrae eguerit, oro illi, quantum p[otest], adesse velit, quod omni amico studio et officio rependere Dominationi Vestrae sedulo curabo. Eamque optime valere cupio.

Ex Lubav[ia], XV Iulii, anno 1536.