Reverendissimo in Christo Patri et Domino, domino Ioanni Dei gratia episcopo Culmensi, fratri carissimo et amico plurimum honorando

Reverendissime in Christo Pater et Domine, amice praestantissime et frater observande .

Nuntius Vestrae Reverendissimae Dominationis ex Vilna rediens has inclusas hic litteras mihi praesentavit. Poterit Vestra Reverendissima Dominatio domino palatino Margenburgensi de regiis facere copiam. Domini Plocensis ad me intitulatas secum hic afferet. Et peto, quatenus me tempestive, quando huc et Smolein comparere decreverit, prout prolixius nudius tertius et extensius cum puero Vestrae Reverendissimae Dominationis significavimus, mihi innotescere velit.

Interea cupiens dies agere iucundos et felices Vestram Reverendissimam Dominationem, cui me ad salvum ... iterum atque iterum commendo.

Datae Helsberg properanter 19 Iunii.

Vestrae Reverendissimae Dominationis totus Mauritius episcopus Warmiensis