GStA PK, HBA, C1, No. 588, f. 2unnumbered

Dem durchlauchten, hochgebornen fursten(n) und herrn, hernn Albrechten, von Gots(s) gnaden marggraff zu Brandenburg, / in Prewssen, zu Stetin, Pomern, der Cassuben und Wenden hertzog, burggraff zu Normberg und furst zu Rugen, unserm hochgunstigen, lyben herrn und freundt

GStA PK, HBA, C1, No. 588, f. 1unnumbered

Durchlauchter, hochgeborner(r) furst, hochgunstiger, lyber her und freundt. / Unsere freuntliche, wyllige dinst zuvoran. /

Ewer F(urstlichen) D(urchlauch)t schreyben, zu Konigsberg den XV dis monts an uns ausgangen, / hab wir durch ein loffenden bothen gestrigs abends spat erhalthen, / doraus wir uff das jennige, / so wir durch unsern bruder negst zu Jorgenburg E(uer) F(urstlichen) D(urchlauch)t haben lassen antragen, / den gegebnen bericht der zweyer von uns gewichnen unser underthan, / genugsam haben vorstanden. / Bedancken uns auch, das vor unserer im kortzen mit Gots hulff ankunfft / E(uer) F(urstlichen) D(urchlauch)t solchs, / wy wol unnotig, / aus sonderer gunstiger zuneygung / uns nicht hat woldt vorhalten, / der wir gern freuntlich in aller wylfericheyt dienen, / und dy selbte in guter gesunheyt und in aller gluckselicheyt zu sehen(n), / dobey mit hertzlicher begir antzusprechen, / in gotlicher gnade / uns kurtzlich vorhoffenn.

Datum Heylsberg, XX Augusti M D XXXIXt(en).

Ioannes, von Gots gnaden byschoff zu Ermelant