Martino Alexwange

Honeste in Christo dilecte etc.

Cum hunc nostrum nuntium ad aulam serenissimae maiestatis regiae allegaremus, noluimus, ut sine nostris litteris ad te veniret, idque ne deesset tibi ansa et occasio, si quid novi in aula regis actum circumferetur, ad nos describendi. Hoc ut facias, te hortamur, nam ista tua diligentia nos tibi indies magis ac magis reddes propensiorem.

Bene vale.

Datae ex arce nostra Heilsberg, XVII Ianuarii MDXLVIII.