Accepi iis diebus a Magnificentia Vestra binas et uberes summae in me benevolentiae ⌊⌋ certiorem me reddidere de aureo poculo, quod ⌊illustrissimus dominus comes palatinus Ottohenricus⌋[1] misit; ⌊⌋ ⌊⌋ respondebant plene de rebus, quae tum in novis
habebantur. Neque satis visum fuit Magnificentiae Vestrae tot me humanissime salutasse litteris, quin idipsum tam multis amicissimis oblationibus per ⌊generosum dominum Nicolaum Nibschicz⌋ faceret, qui mihi multis ver{s}bis propensionem in me Magnificentiae Vestrae magna cum affirmatione declaravit. Pro qua favoris erga me magnitudine Magnificentiae Vestrae quas possum gratias habeo, atque utinam referre possem, ad quod me nihil animi aut promptitudinis deficit. Ceterum dedit mihi ⌊dominus Nibschicz⌋ pretiosum hoc ac fabrefactum poculum, pro quo gratias agens, adiunctas litteras ⌊illustrissimo domino comitipalatino⌋ scripsi . Eas ut Magnificentia Vestra reddi curet, impense oro. Pro novitatibus Magnificentiae Vestrae magnas item gratias habeo, quas, si quid apud nos rerum esset novarum, compensarem libenter, verum in praesens nihil habetur aliud, quam quod iis diebus
⌊illustrissimus
dominus dux ⌊Holsaciae⌋⌋ in ⌊Hafnia⌋ Daniae rex est coronatus, sine tamen, ut audio, ⌊Samuele⌋[2], nam unctionis, quae Christianis regibus fieri solet,
cf. Cic. Off. 2. (10) 36-37 contemnuntur ii – – in quibus – – nulla cura est ⌊nulla fuit curacf. Cic. Off. 2. (10) 36-37 contemnuntur ii – – in quibus – – nulla cura est ⌋ etc.
Aderat ad eum cohonestandi actum cum quibusdam aliis ducibus et nuntiis
⌊illustrissimus
dominus dux in Prussia vicinus meus⌋, qui ex illis symposiis et choreis mari se et ventis
ob pestem, quae terra in illis regio<n>ibus passim grassatur, commisit applicuitque ⌊Gdani⌋ intra delapsos hos octo dies. De amicicia huius novi regis in ⌊has nostras terras⌋ et firmitate eius in eo regno multa dicuntur, quae nimirum
cf. Adagia 1526 No. 1317 Tempus omnia revelat ⌊omnia tempus ostendetcf. Adagia 1526 No. 1317 Tempus omnia revelat ⌋, et hoc inquam: An gens et natio illa mores et naturam mutaverit, quae tot occidit et eiecit reges? Reliqua, cum paulo post ex ⌊conventu hic nostro⌋ ⌊dominus Nibschicz⌋ redierit et, quomodo res apud ecclesiam Va[r]miensem, ad quam XX-a huius ex Dei
misericordia postulatus hinc sum, successerit, habunde referet. De me pro tot Magnificentiae Vestrae non vulgaribus in me collatis beneficiis ingenue polliceor, quod nihil amicitia Magnificentiae Vestrae habeam vel habiturus sum carius umquam, nihilque tam arduum, laboriosum, operosumue erit, quod non ratione illius mihi facile atque leve sit futurum. Hocque non aulice sed sincere ac pure a me scriptum Magnificentia Vestra, quaeso, accipiat. Quam dominus Deus diuturnitate longissima felicissime sospitet prosperetque in omnibus.