Letter #504
Sigismund I Jagiellon to Ioannes DANTISCUSCracow (Kraków), 1530-06-11
| received Augsburg, [1530]-07-15 Manuscript sources:
Auxiliary sources:
Prints:
| ||||||||
Text & apparatus & commentaryPlain textText & commentaryText & apparatus
Reverendo domino Ioanni Dantisco, electo episcopo Culmensi et apud sacram et catholicam caesaream maiestatem oratori nostro, sincere nobis dilecto
Sigismundus Dei gratia rex Poloniae, magnus dux Lithuaniae, Russiae totiusque Prussiae ac Masoviae etc. dominus et heres
Reverende sincere nobis dilecte.
Ex litteris, quas antehac ad Strenuitatem Tuam dedimus, satis abunde cognovit, quantae curae sint nobis res et fortunae illustrium dominorum marchionum Brandemburgensium, nepotum nostrorum carissimorum. Illustris dominus Georgius marchio habiturus est et iam fortassis habet actionem coram hoc imperiali conventu et coram sacratissima caesarea maiestate et serenissimo domino Hungariae et Bohemiae rege, occasione ducatuum Opoliensis et Ratiboriensis, illius illustritati per divos Wladislaum et Ludovicum, Hungariae et Bohemiae etc. reges, donatorum etc. Committimus Strenuitati Tuae mandantes, ut, quantum licet et dignitas nostra patitur, omni studio et diligentia legatis et procuratoribus in hac causa praefati domini Georgii marchionis adesse velit, rem nobis pergratam in hoc factura. Quae bene valeat.
Datae Cracoviae, undecima die mensis Iunii, anno Domini millesimo quingentesimo tricesimo, regni nostri XXIIII-to.
Sigismundus rex subscripsit