Letter #112
Urbanus ULRICI to Ioannes DANTISCUSGdańsk (Danzig), 1541-05-11
Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
AAWO, AB, D.70, f. 99vReverendissimo in Christo principi ac domino, domino Ioanni episcopo Vuarmiensi, domino suo clementissimo
AAWO, AB, D.70, f. 99rSalutem plurimam ac prompta obsequia mea.
Reverendissime in Christo Princeps ac Domine, domine clementissime.
Ad hunc inclitum conventum Vestrae Celsitudinis et reliquorum statuum mea humilis quidem persona venire debuit ad prosequendam causam, quae nectitur inter mansionarios Gedani ad divum Ioannem et tutores liberorum Georgii Vuoynofsky. Sed podagra, quam Ludovicus Vives dolosum ac iniquum colluctatorem recte superinscribed⌈recterecte superinscribed⌉ appellat, me sic affecit, ut me in posterum vix longius extra moenia moturus sim. Quam ob rem partes meas superinscribed⌈measmeas superinscribed⌉ venerabili domino Ioanni Crusen or Cruseri⌈CrusenCrusen or Cruseri⌉ delegavi velimque Vestram Celsitudinem suppliciter rogatam, ut respectu pii negotii quod aget, eidem benignas aures pro inclita sua pietate praebere ac tandem ipsi controversiae post varias longas ac multas dilationes debitum finem imponere dignetur. Quod quidem Remunerator omnium bonorum et in hac vita et in futura erga Vestram Celsitudinem abunde compensare non omittet, idque ut fiat, suprascripti mansionarii suas preces pro Vestra Celsitudine ad Deum sedulo fundent. Christus Vestram Celsitudinem communi patriae nostrae quam diutissime incolumem ac felicem conservet.
Gedani, V Idus Maii, anno etc. XLI.
Vestrae Celsitudini nuncupatissimus Urbanus Ulrich