... Reverendo, doctissimo ornatissimoque Viro Ioanni Dantisco Culmensi episcopo, serenissimi regis Poloniae oratori et consiliario facundissimo, amico nostro sincero

Ut remittantur, peto etc.

Salutem.

Cum, Venerande Praesul, amicitiae nuper inter nos ... in mentem venit et forte fortuna nobis consuetudo cum doctissimo vir[o] ... [domin]o Forsto, Vuillensis episcopi physico, non potuimus annis iam ... enecatam ferme familiaritatem non redintegrare atque brevi ... ponere, ne fortasse, quae iam longa inter nos sunt itinera, nostri memoriam radicitus tuo e pectore evellant. Nam parvo studio rogantes, si quando opportuna ...tii oblata fuerit occasio, nos tuis scriptis vises et, quae nobis barbara ex vicinitate accidunt nova, quantum laudata admittit taciturnitas, litteris significes.

Nos vicissim, si his rudiusculis nostris rebus tibi placere poterimus, minime nos gravatos facile experiris. Maxime autem oramus serenissimum invictissimumque regem nostris verbis, quam poteris observantissime, convenias et promptiorem erga suam celsitudinem nostram benevolentiam exponito.

Praeterea, si regiae celsitudini huius terrae equi placerent, nos, qui suam celsitudinem delectant, caballos mitteremus. Et cum nos illius regni, maxime Vallachiae equi delectant et apud regiam celsitudinem istiusmodi permutatio tua opera et industria perfici posset, ex tuis litteris intelligere exspectamus [ut n]otitiam habere possemus.

Vale.

Ex arce nostra Emdana, 5-a Ianuarii anno XXXV[I]-o.

Totus tuus Enno comes et dominus Phrisiae Orientalis etc.

Item tuus Ioannes comes et dominus Prhisiae(!) Orientalis etc.

Enno Iohannes subscripserunt manu propria