List #3861
[Ioannes DANTISCUS] do [Achatius TRENCK]Löbau (Lubawa), 1537-11-17
Rękopiśmienne podstawy źródłowe:
Publikacje:
|
Tekst + aparat krytyczny + komentarzZwykły tekstTekst + komentarzTekst + aparat krytyczny
Venerabilis Domine, frater et amice carissime. Salutem et omnis boni accessum.
Quod venerabile capitulum adeo sollicite de me cogitat Dominationique Vestrae iniungit, ut adventus et profectionis meae in episcopatum curam habeat, quas debeo, gratias habeo, verum sic itineris mei institutum est, quemadmodum ho[c] die litteris meis reverendissimo domino electo Culmensi et venerabili capitulo significavi, quod Allenstein hoc tempore non attingam, sed recta pro futuro mense per Fridrichwaldt et Gutstat Heilsbergum me conferam. Dies vero hinc exitus mei, cum accinctus fuero, Dominationem Vestram non latebit. Quam optime valere cupio.
Ex Lubavia, XVII Novembris anno 153[7].