» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5624

Alexander SCULTETI to Ioannes DANTISCUS
Frauenburg (Frombork), 1537-09-25
            received [1537]-09-27

Manuscript sources:
1fair copy in Latin, autograph, AAWO, AB, D. 68, f. 150

Auxiliary sources:
1register in German, 20th-century, B. PAU-PAN, 8248 (TK 10), f. 590

 

Text & apparatus & commentaryPlain textText & commentaryText & apparatus

 

AAWO, AB, D. 68, f. 150v

Reverendissimo in Christo Patri et Domino, Domino Ioanni Dei gratia episcopo Culmensi, postulato Warmiensi et administratori Pomesaniensi, domino meo clementissimo et gratioso

AAWO, AB, D. 68, f. 150r

Reverentiae et observantiae exhibitione plurimaque commendatione praemissa.

Reverendissime in Christo Pater et Domine, domine colendissime.

Quae diebus proximis per aliquot nostrum facta sunt, intelliget Dominatio Vestra ex his, quae nunc mittuntur. Ego his totus intentus neque magna adulatione opus esse credens hactenus nihil scripsi, attamen scripsi, sed non cito cito. Nunc etiam(?) vix vacat, ut pluribus congratuler Dominationi Vestrae Reverendissimae, satis enim esse, quod omnia cesserint ex sententia Dominationis Vestrae Reverendissimae, cui ad serviendum sum promptissimus et alacer.

Ne autem inanibus meis litteris sim Reverendissimae Dominationi Vestrae molestior, cupio nihilominus eidem esse commendatissimus.

Ex Frawenburg, XXV Septembris 1537.

Eiusdem Dominationi Vestrae Reverendissimae deditissimus A(lexander) Scultetus

Postscript:

Gaudeo dominum Theodericum nostrum, cui etiam nunc commendo negotium ecclesiae utriusque, diligenter omnia petita perfecisse, sed homo totus integer et probus sui dissimilis esse nequit.