» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #446

Leonard NIEDERHOFF to Ioannes DANTISCUS
Frauenburg (Frombork), 1533-03-24


Manuscript sources:
1fair copy in Latin, autograph, AAWO, AB, D. 67, f. 188

Auxiliary sources:
1register in German, 20th-century, B. PAU-PAN, 8247 (TK 9), f. 250

Prints:
1AT 15 No. 154, p. 216-217 (in extenso; Polish register)

 

Text & apparatus & commentaryPlain textText & commentaryText & apparatus

 

Reverendissimo in Christo patri et domino, domino Iohanni Dei gratia episcopo Culmensi, domino meo colendissimo

Reverendissime in Christo pater et domine, domine colendissime. Reverendissimae Dominationi Vestrae sese totum offert.

Litteras Reverendissimae Dominationis Vestrae, quibus dignata est proximis meis litteris respondere, ex Lubovia X huius datas, recepi et ago Reverendissimae Dominationi Vestrae gratias, quando non cessat tam pro religione quam etiam patriae ac regni commodis vigilare. Si quid habet Reverendissima Dominatio Vestra novi in ea re, quod Reverendissima Dominatio Vestra me scire velit, dignabitur communicare. Nam hac septimana constitui famulum meum hinc in Livoniam ablegare.

Ad litteras meas Gdani datas Reverendissima Dominatio Vestra nihil respondit et maxime de Reverendissimae Dominationis Vestrae huc adventu ac si quid Reverendissima Dominatio Vestra egerit ad vocandum reverendissimum dominum Iohannem episcopum Tarbatensem ad praesentiam caesareae aut regis Ferdinandi maiestatis, sicuti Reverendissimam Dominationem Vestram Marienburgi rogavi.

Audio Reverendissimam Dominationem Vestram nunc esse pro sacris ordinibus apud reverendissimum dominum Warmiensem. Deus faciat, ut sit Reverendissimae Dominationi Vestrae id undique felicissimum atque ad salutem. Non peto, Reverendissima Dominatio Vestra faciet, uti in Reden cum magnifico domino palatino Culmensi etc. Est quaedam causa super praetenso matrimonio cuiusdam honestae viduae Barbarae Lutenbergsche per adversarium appellatione ad reverendissimum dominum Wladislaviensem ab ipso officiali Gdanensi devoluta et quando ea causa mihi quam maxime commendata exsistat et certe scio, quantum Reverendissima Dominatio Vestra apud reverendissimum dominum Wladislaviensem me iuvare potest, ideo Reverendissimam Dominationem Vestram oro et obsecro, ut litteras ad reverendissimum dominum Wladislaviensem in favorem dictae Barbarae cum praesenti nuntio dare causamque totam et maxime pro expeditione ac iustitia assequenda [q]uantocius fieri potest, ne paupercula, maritali solatio destituta longo tempore, alio marito cum rerum suarum magno dispendio defraudetur, commendare diligenter dig[netur]. Qua in re Reverendissima Dominatio Vestra Deo rem acceptam ac ipsi femi[nae] necessariam ac mihi gratissimam faciet. De me Reverendissimae Dominationi Vestrae nihil promittere possum, quando ex manu atq[ue] nutu Reverendissimae Dominationis Vestrae totus libenter vivo. Valeat Reverendissima [Dominatio] Vestra felicissime.

Ex Warmia, XXIIII Martii anno MDXX[XIII].

Reverendissimae Dominationis Vestrae Leonardus Niderhof servitor