» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1473

[Ioannes DANTISCUS] to [Johann TYMMERMANN]
Löbau (Lubawa), 1536-06-04


Manuscript sources:
1office copy in Latin, in secretary's hand, BCz, 244, p. 111 (t.p.)

Prints:
1Españoles Appendix to part II, No. 5, p. 275 (excerpt in Spanish translation)
2AT 18 No. 199, p. 229 (in extenso; Polish register)

 

Text & apparatus & commentaryPlain textText & commentaryText & apparatus

 

Venerabilis Domine, amice et frater carissime. Salutem et omnis felicitatis accessum.

Expostulavit mecum nuper fraterne et amice Dominatio Vestra per nobilem dominum Nicolaum Plotowszki, quod litteris Dominationis Vestrae superioribus diebus non responderim, in eo quidem minus me officiosum fuisse fateor, cum quod gratias Dominationi Vestrae pro suscepto pro me labore non habuerim, tum etiam quod veterem illum meum in Dominationem Vestram amorem, quo illam, ut scit, prosecutus sum semper, scripto non declaraverim, quod revera non nisi ex incuria mea accidit. Ut igitur pro eo delicto veniam facilius a Dominatione Vestra obtinere valeam, eandem Dominationem Vestram impense oro, ut pro Dominica Sanctissimae Trinitatis huc ad nuptias pauperis consanguineae meae venire velit. Quam cum iam a plurimis annis non viderim, summopere incolumem et felicem intueri atque coram complecti desidero neque ambigo pro vetere nostra coniuctione Dominationem Vestram votis meis responsuram. Quam ex animo opto valere quam diutissime.

Lubaviae, 4 Iunii anno Domini M-o DXXXVI.