1500 1501 1502 1503 1504 1505 1506 1507 1508 1509 1510 1511 1512 1513 1514 1515 1516 1517 1518 1519 1520 1521 1522 1523 1524 1525 1526 1527 1528 1529 1530 1531 1532 1533 1534 1535 1536 1537 1538 1539 1540 1541 1542 1543 1544 1545 1546 1547 1548
SABINUS Georgius · SAGK Georg · SAILER Hieronymus · SANDER Michał · SCHEBURGK Ioannes Dionisius · SCHENCK Georg van Tautenburg · SCHEWECKE Georg · SCHEWECKE Jakob · SCHEWECKE Johann Jr · SCHEWECKEN Katarina · SCHISSENTEUBER Hans · SCHMIDT Peter · SCHÖNBORN Nikolaus von Thorn · SCHÖNE Michael · SCHREIBERSDORF Leopold von · SCHREINER Gregor · SCHRENCK Bartholomeus von Notzing · SCHULTZ Georg · SCHULTZ Michael · SCORNACO Adolphus de · SCULTETI Alexander · SECUNDUS Ioannes · Seeburg vicars of · SENGER Bartholomeus Jr · SICKINGEN Franz Conrad von · SICKINGEN Hans von · SIEMIĄTKOWSKI Jakub · Sigismund I Jagiellon · Sigismund II Augustus Jagiellon · Simon, painter in Löbau · SŁUŻEWSKI Piotr · SOBOCKI Tomasz · SOKOŁOWSKI Jan · SOLFA Jan Benedyktowicz · SOMMA Scipione di · SOMMER Merten · SPEILBERG Ioannes · SPERANTIUS Sebastian · SPERATUS Paul · SPIEGEL Jacob · SPINOLA Lodovico · SPON Kaspar · SRZEŃSKI Feliks (Szczęsny) · STROZZI Reynaldus · STURM Arendt · SZCZEPANOWSKI Erazm · SZYDŁOWIECKI Krzysztof · SZYDŁOWIECKI Mikołaj · SZYDŁÓW Bartłomiej of
WYSZUKIWANIE
Pełny tekst
Znaleziono: 1
zachowanych: 1 + zaginionych: 0
1 | IDL 3492 | Paul SPERATUS do Ioannes DANTISCUS, Marienwerder (Kwidzyn), 1530-10-13 | ||||||
odebrano Günzburg, [1530]-12-09 Rękopiśmienne podstawy źródłowe:
Pomocnicze podstawy źródłowe:
Publikacje:
| ||||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendo in Christo patri et domino, domino Ioanni Dantisco, episcopo Culmensi, domino ac fratri suo carissimo Augspurg Salutem. Liceat et mihi audacia pro sapientia tecum uti, ut tibi novam episcopatus dignitatem ignotus tibi gratuler, sed non minus ex animo, quam quivis alii, praesul ornatissime, longissime autem secus, quam qui plerumque id agunt foris, quod intus totum negant. Sed precor clementiam tuam, ut ne metiatur animum meum secundum rudem hanc harum litterarum modicitatem, eas enim subito scripsi, cum iam lator abiturus esset. Et forte fortuna magnificus et generosus dominus Georgius Socolouusky a Vruncza laudum tuarum classicus ebuccinator tum supervenit, ac diu cunctabundum, me monendo tandem, ut facerem, vicit. Quodsi plus otii fuisset, pluribus sane verbis, nec otiosis forsitan, ad te scripsissem. Iam in tanta temporis angustia unum hoc rettulerit, consalutasse inter nos, neque enim ego abs te contendo verbosas litteras, sufficit si uno aut altero verbo resalutes; sic auspicia satis firma amicitiae nostrae futura spero, ac rebus gerendis olim magis vacui nugabimur liberius. Donet autem iam tandem clementissimus pater caelestis ecclessiae suae sanctam pacem. Tum fiet, ut simus invicem longe carissimi, quondam extra omnem impostoris fuci malam suspicionem positi. Nam nescio, quomodo etiam amici alioqui arctissimi invicem tamen hodie non satis amici sunt, faciente hac religionis diversitate, quae utinam bonis avibus, tua tuique similium diligentissima opera, si fieri potest, componatur. Speramus hic magna multi, utinam non frustra. Interim autem quosdam vehementer terret, ut subdesperemus, nonnumquam etiam terret, inquam, totius negotii tam dissidiosa utrimque extremitas, adeoque citius aquam igni misceri, quam dogmata usque adeo contraria conciliari posse arbitrantes. Disponat autem meliora Optimus Maximus idemque Summus cuius negotium agitur. Haec hactenus. Vale et salvus nobis olim precor advenias inclite praesul, magna spes patriae, cui praeficeris, et nostra vicinorum. Nova, si quae erunt, oro, communica per me nostratibus multis. Ex insula nostra Mariana Prussiae Pomezaniensis XIII Octobris anno XXX. Paulus Speratus, episcopus Pomezaniensis, manu propria |