AAWO, AB, D.96, f. [1] after f. 73v

Dem hochwirdigsten in Goth Fwrsten und Herrn, herrn Ioanni von Goths gnaden bishoffe zw Ermelandt, unsrem gnedigen herrnn

AAWO, AB, D.96, f. 72r

So will auch die gelegennheit erfurderen solchs dermossen zcu bessern, / das den vorschrtenn ordenungen / der gebuer und gelimph vor den ungelimph / widderum(m)be gelehstet werde / unnd zcweiffelen nicht. / Es werden E(wer) H(ochwirdige) G(nade) hierinne betrachten, / was vorhaltung und estimation einer ordenunng in einer stadt aber lande / von den einwonern zo ferne es in guttem regiment stehn soll gebuerenn / unnd wie solchs im fall der ubertrettung zcu remedieren unnd zcu bessren / sein will. / Wie sich auch E(wer) H(ochwirdige) G(nade) leichtlich zcuerinneren, was kurtz vorrugter zceitte als dem wol unnd grosgerichtem loblichen collegio, nemlich dieses landes senath etzliche betastung unnd ungelimph zcugemessen / von E(wer) H(ochwirdige) G(nade) unnd AAWO, AB, D.96, f. 72v annderen konig rethen unnd also auch von uns domit die geburliche estimation erhalten / zcur billigkeit gethon wurden. /

Nhu wollenn wir zcu E(wer) H(ochwirdige) G(nade) der sicherenn unnd dinstlichen zcuvorsicht sein. Sie werde uns unnd dieser stath ordenunge / als desselbigen senath hidden by binding⌈[h]h hidden by binding⌉ glidtmoss jo somel gonnen, / das sie in der vorhaltung dorinne sich hidden by binding⌈[ch]ch hidden by binding⌉ von alters gewesenn / und je auch geburth / hinfurder bestehn unnd pleiben / und die muthwilligenn von solcher aller sequele abegehalten hidden by binding⌈[n]n hidden by binding⌉ werden mogen. /

Domit aber dennoch E(wer) H(ochwirdige) G(nade) zcu erfunden hidden by binding⌈[n]n hidden by binding⌉ hab, das wir derselbigen in alleweg hidden by binding⌈[eg]eg hidden by binding⌉ zo viell uns immers möglich gerAAWO, AB, D.96, f. 73rne dinstlichen gefallen gelehsten. / So wollenn wir derselbigen nicht vorhalt(en), das wiewol Hans Holste nicht jegen einen privaten ebenmessigen menschen besunder jegen 2 diversa collegia in beÿwesen unnd angehoer vieles um(m)be stehnden volckes groblich uberfarenn unnd gebrochenn. /

Worum(m)be er auch nicht umbillich publice in der stelle do er angeloffen die vor sunug thun sulte. / So haben wir dennoch E(wer) H(ochwirdige) G(nade) zcur ehren unnd sunderlichem gefallenn diss thuendt in den wes (wie woll schwerlich) gefuget, das er den auffgelegten abtragk, / alleine vor uns als dem rathe in beÿwesen etzlicher von der andern ordtnung thun und also AAWO, AB, D.96, f. 73v wandel der begangene vorletzung phlegenn werde in troestlichem vorhofften hidden by binding⌈[ten]ten hidden by binding⌉.

Es werde E(wer) H(ochwirdige) G(nade) nhu hirann zcu friede sein / unnd ferners anregens(?) uberhaben sein mogenn. / Whor(!) wir sunst E(wer) H(ochwirdige) G(nade) mith dinstlichem willen behagen konnen seint wir stetz unvordrossten hidden by binding⌈[ten]ten hidden by binding⌉.

Mit der hulffe Gotts der Ewer H(ochwirdige) G(nade) lange gesundt und szeliglich enthalten wolle. /

Dat(um) Dantzigk, den 11 Aprilis anno etc. 42.

E(wer) H(ochwirdige) G(nade) diennstwillige burgermeistere und rathmane hidden by binding⌈[e]e hidden by binding⌉ der stadt Danntzigk