» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #819

Sigmund von HERBERSTEIN to Ioannes DANTISCUS
Vienna, 1532-08-22
            received 1532-09-02

Manuscript sources:
1fair copy in Latin, autograph, UUB, H. 154, f. 89-90
2copy in Latin, 20th-century,
3copy in Latin, 18th-century, LSB, BR 19, No. 15
4copy in Latin, 18th-century, SUB, Sup. Ep. 4-o 41, No. 8, f. 6r-v
5copy in Latin, 18th-century, SBB, MS Lat. Quart. 101, No. 7, f. 18v-20v
6excerpt in Latin, 18th-century, SLUB, C 110, f. 24r-25v
7excerpt in Latin, 18th-century, BCz, 1366, p. 76-78
8excerpt in Latin, 18th-century, B. Ossol., 151/II, f. 8v-9r
9excerpt in Latin, 18th-century, BCz, 48 (TN), No. 44, p. 109-110
10register with excerpt in Latin, English, 20th-century, CBKUL, R.III, 30, No. 64

Auxiliary sources:
1register in Polish, 20th-century, B. PAU-PAN, 8247 (TK 9), f. 126

Prints:
1AT 14 No. 401, p. 600-601 (in extenso; Polish register)
2DE VOCHT 1961 No. DE, 233, p. 156 (English register)
3CEID 2/1 No. 25, p. 133-137 (in extenso; English register)

 

Text & apparatus & commentaryPlain textText & commentaryText & apparatus

 

UUB, H. 154, f. 90v

Reverendissimo in Christo patri paper damaged⌈[patri]patri paper damaged⌉ et domino, domino Ioanni Dantisco episcopo Culmensi, domino suo gratioso et observando

UUB, H. 154, f. 89r

Reverendissime Praesul, domine observandissime. Post debitam mei commendationem.

Cum Vestra Reverendissima Dominatio mihi suo mandato iniunxisset, ut gratias agerem domino Rudolpho de Höhnfeld, quia recepisset eam in domum suam etc. sollicitaremque, ut canem illum Anglicum deperditum acquireret, feci utrumque. Et primum quidem antequam haberem litteras Vestrae Reverendissimae Dominationis, quia cum ipse hanc receptionem mihi narrabat, dixi illi in hominem gratum beneficium hoc contulisse, cum denique litterae illae mihi praesentatae et in praesentia sua eas legi. De cane autem ego egi, quae potui, et hospes ille diu dubitabat, an mihi illum mitteret, cum haberet a Vestra Reverendissima Dominatione in mandatis domino Rudolpho praesentare. Quem tamen antea miserat usque Olomuncium post Vestram Reverendissimam Dominationem proprio nuntio, ut ipse asserit. Atque ita vicesima praesentis mensis missus est ille canis. Quem Vestrae Reverendissimae Dominationi praesenti nuntio mitto supplicando, ut hanc moram meae negligentiae non imputet, sum enim cupidissimus Vestrae Reverendissimae in omnibus obsequi, nollem etiam ingratus notari.

Quae autem apud nos aguntur, nollem quoque Vestram Reverendissimam Dominationem latere. Turcus Guncium obsidet quasi decem octo diebus, ignobile oppidum, nec causam possumus scire, cur suam potentiam illuc converterit; est quidem unum ex oppidis, quod Fridericus Imperator Tertius ex manibus praedonum Austriam devastantium eripuerat et intra fines Hungariae hodie situm est. Forte ob commeatum illic inductum et exercitus suus fame premitur, utique ante biduum non potiebatur illo. Praeest illi strenuus eques Nicolaus Iurasitz Croatus, qui ante paucos annos oratorem apud Turcum agebat.

Nos illic obsidionem expectabamus et videmus frustra, provisi omnibus ferme necessariis. Forte ob id consilium mutavit, et cum falsus sit, sperans omnem Christianitatem in discordia et imperium ac Germaniam in tumultu offensurum.

UUB, H. 154, f. 89v

Illustrissimus dux Fridericus comes palatinus Rheni vicesima praesentis venit usque Khärneuburg oppidum duobus miliaribus ab hinc. Quem die sequenti suscepimus – ipse heri huc venit et rediit. Meo iudicio omnes copias imperii nunc in utraque Austria esse. Coniungemus nostros exercitus, usque caesaris copiae venient, quae et paucis diebus venturae sunt. Tandem exsequemur voluntatem Dei nostri.

Dominus Petrus de la Cueva, commendator vel granmaestro sui ordinis et magister curiae caesareae, orator una cum duce advenit. Pro certo refert dominum Anthonium Andream de Orio caesarea classe Bisantium versus navigasse. Quae omnia Omnipotens dirigat sua gratia, Vestrae Reverendissimae Dominationi det sanitatem et omnem felicitatem. Quae me sua solita gratia prosequatur.

Datum Viennae, XXII Augusti anno Domini 1532.

Vestrae Reverendissimae Dominationis deditissimus Sigismundus ab Herberstain, liber.