Dieweil unns E(uer) L(ieb) auf unnser freuntlich ersuchen unnd nachbarlich vortrauenn, / den grenitz handell ann ⌊konig(lich)e ma(ies)t(e)t zu Polan⌋ etc. unsern gnedigenn herenn und freuntlichen lieben ohaim gelangen zulassenn, gerathenn, nichtsminder auch solchs von unnserm getrewen lieben undterthanenn von landenn und stedten fur gut angesehen / als haben wir an solchs die erenvhestenn achtbarn und hochgelerthen / auch erbarn unsere rethe und liebe getrewe, / ⌊Johann von Kreitzen⌋ cantzlern und ⌊Andresenn Rippen⌋ heuptman zu ⌊Caymen⌋, / in unserm und gedachter unserer getreuen jedenn(?) undtersassen nomen, / aller stende an ⌊konig(lich)e ma(ieste)t zu Polan⌋ hochbemelt in solchem grenitzhandell abgefertigt / und dasselb wie allerseitz fur gut und nutzlich geacht / beÿ seyner konig(liche)r ma(ieste)t suchen lassen. / Wes aber nun vor antwurt auf solchs gefallenn und sich allenthalben disfals zugetragen, werdenn E(uer) L(ieb) von berurthem unnserm ⌊cantzler⌋ welcher der gesamt als oben berurt einer gewesen gnugsamlichen zuvornemen haben. /
Bithen demnach gantz freuntlichenn, / E(uer) L(ieb) wölle inen in disem und andernn wes ehr derselbenn von unserntwegenn anczeigenn wirt, / gutwillig hören, auch auf dissmahl gleich uns selbst glauben beÿmessen / und sich unserm freuntlichenn vortrawen nach darauf nachbarlichen ertzeigen und beweysen. Nichtsminder benemhen unsernn ⌊cantzler⌋ in anmerkung, das wir denselbenn etzlicher obligendenn gescheft halbenn ubel emperen khennenn mit E(uer) L(ieb) antwurt nicht lange aufhalten, / sonder ins schleunigst von sich khommenn lassenn. / Das seint wir umb E(uer) L(ieb) freuntlichenn zuvordinen urbutigk.
Von Gots gnaden ⌊Albrecht marggrave zu ⌊Brandenburgk⌋ in ⌊Preussen⌋, zu ⌊Stettin⌋, ⌊Pommern⌋, der ⌊Cassuben⌋ und ⌊Wenden⌋ hertzogk⌋, burggrave zu ⌊Nurmbergk⌋ und furst zu ⌊Rugen⌋ manu propria subscripsit