» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #3623

Baltazar of Lublin to Ioannes DANTISCUS
Löbau (Lubawa), 1538-02-20
            received [1538]-02-23

Manuscript sources:
1fair copy in Latin, autograph, BCz, 1595, p. 963-966

 

Text & apparatus & commentaryPlain textText & commentaryText & apparatus

 

BCz, 1595, p. 966

Reverendissimo in Christo patri et domino, domino Ioanni Dei gratia episcopo Culmensi, administratori Pomesaniensi et ad episcopatum Varmiensem postulato, domino meo clementissimo

BCz, 1595, p. 963

Post humillimam obsequiorum meorum in gratiam Paternitatis Vestrae Reverendissimae commendationem. Reverendissime in Christo pater et domine, domine clementissime.

Cum ea superinscribed⌈eaea superinscribed⌉, qua summa possum, reverentia Paternitatem Vestram Reverendissimam latere nolo, me omnia illa quaecumque mihi Paternitas Vestra Reverendissima in praesentiarum tum per dominum Simonem nepotem suum ex sorore domino Thomae et capitulo superinscribed⌈et capituloet capitulo superinscribed⌉ ascribere commisit ratione baccalaurei Ioannis obsequentissime feci. Qui dominus Thomas post discessum Paternitatis Vestrae Reverendissimae mihi scripsit se (quamvis nullum a Paternitate Vestra Reverendissima inventarium novissime Lubaviae episcopus percepisset) inventarium omnium rerum, cum in Althaus tum in Papaw cum summa conscriptarum diligentia misisse. Quod aliud dignum scientia Paternitatis Vestrae Reverendissimae scribam, non invenio, praeter id quod omnia in castro Paternitatis Vestrae Reverendissimae et in civitate bene deriguntur dulcissimaque memoria Paternitatis Vestrae Reverendissimae cum in aliorum corde et ore, tum in meo praecipue, qui plus ceteris beneficiorum, pro quibus quamvis meritas non valeo superinscribed⌈non valeonon valeo superinscribed⌉ eas tamen quas possum maiores gratiarum actiones ago habeoque immortales, accepi, versatur et perpetuo recondita manebit. Etsi praesentia Paternitatis Vestrae Reverendissimae cum gravi dolore carenda est, ferendum tamen, quod convenienter mutari non potest. Cum his me Paternitati Vestrae Reverendissimae, ut domino meo clementissimo et unico patrono commendo humillime commendo Deumque precor, ut Paternitatem Vestram cunctis semper prosequatur honoribus et quam diutissime in omnibus sospitet prosperetque.

Ex castro Paternitatis Vestrae Reverendissimae Lubaviensi, XX Februarii anno 1538.

Eiusdem Paternitatis Vestrae Reverendissimae humilis servitor et capellanus Baltasar a Lublin