BCz, 1599, p. 354

Dem hochwirdigen fursten und herrn / herrn Johann bischoven zw Ermelandt auff Heylsperg in Preyssn, / meinem genedigen herrn

BCz, 1599, p. 351

Hochwirdiger furst, genediger herr. /

E(wer) F(urstlich) G(naden) sein meine underthenig guetwillig dienst zuvor.

Ewr F(urstlich) G(naden) schreiben und genedig begern bey meinem leuten zu Venedig verordnung zethun, / wann E(wer) F(urstlich) G(naden) oheim, herr Caspar Hannow, bey denselben umb ainhundert ducaten ansuechung thun und begern wurde. / Das fuer dieselben gegen seiner bekhantnus geraicht und furgestreckht werden, / auff sollich E(wer) F(urstlich) G(naden) genedig begern hab ich zu unndertheniger wilfarung meinem diener Cristoff Muelich geen Venedig geschriben und bevolchen, wann also gedachter E(wer) F(urstlich) G(naden) oheim umb beruerte suma bey ime ansuchen wirdeth, / ime dieselben gegen seiner bekhanntnus zuerlegen und zuhannden zestellen. / Das wolt ich E(wer) F(urstlich) G(naden) auf derselben schreiben und genedig ansuchen undertheniglich nit verhalten. / Dann E(wer) F(urstlich) G(naden) underthenigen und gueten willen zuerczaigen bin ich gewilligt, / thue mich derselben hiemit underthenig bevelchen.

Datum Augspurg, am 18-d(en) tag des monats Octobris anno etc. 43.

E(wer) F(urstlich) G(naden) undertheniger Antoni Fugger s(ub)s(cripsi)t.